Џоли победи на суд против Бред Пит околу нивната заедничка винарија во Франција

САД– Анџелина Џоли ја доби правната битка против својот поранешен сопруг Бред Пит околу нивната заедничка винарија.

Во јули 2021 година, Џоли поднела барање за укинување на привремената забрана за продажба на нивните заеднички средства со Пит. Поточно, таа сакала да го објави на продажба својот удел во винската компанија „Миравал Шато нувел“ (Miraval Chateau Nouvel) во Франција. Во септември лани, Пит ѝ дозволил на својата поранешна сопруга да го продаде својот удел, под услов тој лично да го одобри купувачот.

Холивудскиот глумец, потоа, годинава ја тужеше Џоли, тврдејќи дека тајно продавала акции од винаријата на „Групацијата Столи“ – компанија за алкохол контролирана од рускиот претприемач Јуриј Шефлер.

Бред Пит бараше судот да го поништи договорот.

Според него, Џоли не ја добила неговата согласност за договорот и намерно ги криела подробностите за зделката од него. Глумецот се жалеше и дека неговиот нов партнер внел хаос во раководството на винаријата, како што пишуваа западните медиуми.

„Лозјето стана страст на Пит – и профитабилна, бидејќи Миравал, под раководство на Пит, прерасна во меѓународна успешна приказна од повеќе милиони долари и еден од најценетите светски производители на розе вино“, тврдеше последната тужба.

На 22 јули, оваа година, судијата во случајот му наложил на Бред да предаде дел од потребните документи, и покрај несогласувањето на глумецот. 

Пит (58) и Џоли (46) го купија Шато Миравал, со седиште во Коренс, Франција, во 2008 година, паркирајќи ги нивните соодветни акции во компаниите што ги започнаа пред да се венчаат: Нувел ДОО во случајот на Џоли и Мондо Бонго ДОО за Пит. Двојката од А-листата почна да произведува сопствено розе вино во 2012 година, со голем успех, и се венчаа во капела на имотот Côtes de Provence во август 2014 година.

Поранешните сопружници, исто така, се во тековна битка за старателството над нивните четири малолетни деца.