Џејмс Бонд не е отпорен на вируси- Даниел Крег позитивен на коронавирус

САД- Филмскиот „Џејмс Бонд“ , отпорен на куршуми, Даниел Крег , е позитивен на коронавирус , откажувајќи две изведби на Магбет.

Крег (54), свеж од неговиот последен филм за Џејмс Бонд Не е време за умирање, глуми во Магбет на Бродвеј заедно со Рут Нега. Сепак, настапите во сабота се откажани поради заразување на актерот со коронавирус.

Во соопштението од официјалниот Твитер профил на продукцијата, позитивниот резултат на Крег и последователните откажувања на претставата беа откриени на помалку од два часа пред неговото саботно матине.

Претставата на театарот Лонгакре е во режија на Сем Голд, кој исто така го режираше Крег во Отело надвор од Бродвеј, а содржи оригинална музика од Гелин Леа.

Претставата има „строго ограничен ангажман“ од само 15 недели, почнувајќи со изведби на 29 март и официјално отворање за јавноста на 28 април, кое ќе трае до 10 јули.

Англискиот актер, познат по своите глумења во блокбастер филмови, глумеше во две претходни драми на Бродвеј – продукцијата „ A Steady Rain “ од 2009 година и „Betrayal“ од 2013 година.

Магбет е неговата прва улога откако го заврши своето време како Бонд, кого го толкуваше во пет филмови во текот на 14 години.