Џеф Безос ja продава мегајахтата од 500 милиони долари 

Проблемите на Џеф Безос не се како на сите други. Основачот на Амазон, кој беше еден од спонзорите на Мет Гала и не беше виден на најважната модна ноќ со својата нова сопруга, Лорен Санчез Безос, наводно прави голема промена. Ја продава својата мегајахта. Точно така, Безос тивко се обидува да го продаде својот брод од 500 милиони долари, Кору. А причината е малку смешна.

Според извештаите, Безос ја продава јахтата затоа што е премногу голема за управување, чини околу 30 милиони долари годишно за одржување. Бродот доаѓа и со брод за поддршка од 75 милиони долари, Абеона. Нема потврда дали и тој се продава или дали Безос планира да ја задржи Абеона и да го продаде само Кору.

Секако, нема толку многу луѓе кои можат да ја купат јахтата од 417 стапки, една од најголемите едрилици во светот. Всушност, листата е веројатно многу мала.

И да не заборавиме дека бродот има дрвена скулптура на сопругата на Безос, Лорен Санчез Безос, како сирена на нос. Веројатно не е нешто што повеќето луѓе би сакале да го задржат.

Големината на јахтата и претходно предизвикувала проблеми, бидејќи не можела да се закотви на различни места поради нејзината големина, според Page Six. Ова се случило на свадбата на Безос во Венеција, и додека двојката била на одмор подоцна во годината. Но, двајцата продолжиле да ја користат јахтата сепак, барем досега. Не е јасно дали Безос ќе најде купувач за бродот.

Сето ова доаѓа по извештаите дека првите месеци од бракот за двојката биле прилагодување за милијардерот. „Енергијата на Лорен е непрекината“, изјавил извор за Роб Шутер, кој известувал за нивниот одмор и нивните многу различни нивоа на енергија во тоа време. „Таа скокаше, танцуваше, се смееше – а Џеф главно беше воздржан.“

„Тој е среќен, но очигледно е исцрпен обидувајќи се да ја достигне“, рече друг извор. И двајцата се многу јавни откако се венчаа, присуствуваа на забавата по доделувањето на Оскарите на Vanity Fair, а сега се силно вклучени во планирањето на Мет Гала.

Безос и Санчез последен пат беа видени заедно на пред забавата на Мет Гала, каде што основачот на Амазон не прошета по црвениот тепих, туку се сретна во рамките на настанот со неговата сопруга. Se шпекулира за сумата колку Безос потрошил како спонзор на галата. Се спомнуваат суми од 6 до 15 милиони долари. Бајаги, особено имајќи предвид дека некои извештаи укажуваат дека Ана Винтур не била задоволна од негативниот публицитет што дојде со вклучувањето на Безос.
„Џеф требаше да биде финансиерот, а не насловната страница“, му рекол извор на новинарот, објаснувајќи: „Ана ги сакаше неговите пари. Она што таа не го сакаше беше Џеф Безос да стане негативецот на ноќта пред да светне првиот блесок.“