Џафери: Локални избори на 17-ти октомври, ќе бидат распишани на 6 август

Собранискиот спикер Талар Џафери денес потврди дека датумот за одржување на локалните избори е 17 октомври.

-Изборите ќе се распишат на 6-ти август. Одлуката не се должи на меѓупартиски договор, туку врз основа на законите, бидејќи токму во тој период им истекува мандатот на актуелните градоначалници, информира Џафери.

Според него, со ова се обезбедуваат законските обврски за обезбедување на термин со кој градоначалниците нема да го надминат законски утврдениот мандат од 4 години.