Двојна радост за неверојатниот Леброн Џејмс (видео)

На големиот лидер на Лос Анџелес Лејкерс, Леброн Џејмс заслужено му беше доделена наградата за „Најкорисен играч“ во финалето на НБА. 35-годишната суперѕвезда ги предводеше Лејкерси до првата титула од 2010 година и 17-та во историјата на организацијата. Тимот од Калифорнија триумфираа против Мајами Хит со 106: 93 во натпреварот бр.6 од финалната серија и го освоија трофејот „Лари О’Брајан“ по 4-2 во победи. Плејмејкерот на Лејкерс реализираше „трипл-дабл“ од 28 поени, 14 скока и 10 асистенции за да го одведе неговиот тим до успех.

„Кралот“ во просек имаше 29,8 поени, 11,8 скока и 8,5 асистенции на шест натпревари, а МВП трофејот во финалето беше четврти во неговата голема кариера. Џејмс се приклучи на легендата на Чикаго Булс, Мајкл Џордан, откако двајцата се единствените кошаркари во историјата на НБА кои освоија најмалку четири награди МВП во финалето.

Леброн е првиот играч кој ја освоил статуетката со три различни тима и четвртиот кошаркар на возраст над 35 години кој ја освоил вредната индивидуална награда по Карим Абдул-Џабар, Вилт Чембрлен и Џордан.