Две од повредените деца во несреќата ќе бидат префрлени во болница во Софија

Бугарија–  Две деца повредени во вчерашната несреќата на автопатот Тракија во Бугарија ќе бидат пренесени во болницата Пирогов во Софија, изјави службениот министер за здравство на таа држава, Асен Меџидиев.

Во болницата во Стара Загора има 14 лица – двајца возрасни и 12 деца.

Две од децата се во тешка состојба. Едното сега е стабилизирано и е контактибилно, но ќе биде потребна операција. Во 9:00 часот детето ќе биде пренесено во Софија на детска хирургија, додека другото дете има трауматски шок и траума на горен екстремитет. Неговата состојба е малку влошена. Ќе се транспортира до „Пирогов“, рече Меџидиев.

На еден возрасен му е ампутиран екстремитет, изјави министерот за здравство.

Оние кои се во добра состојба со амбулантно возило ќе бидат пренесени на граница каде ќе бидат преземени од српска страна.

Автобус со регистерски таблички од Шабац, Србија излета вчера од автопатот Тракија во Бугарија и се преврте во ендек. Несреќата се случи вчера околу 20 часот по локално време на 216 километри во правец на Софија, кај Стара Загора. Децата биле учесници на фестивал во Несебар. Патувале од Несебар и се членови на фолклорниот ансамбл ЈУ-ЛИРА од Србија.

Повеќето се од Батајница.Во автобусот имало 38 деца и 11 возрасни.

Министерот за здравство на Србија, Златибор Лончар, по посетата на повредените во автобуската несреќа во Бугарија, изјави дека на еден патник му била ампутирана ногата, а не на возачот, како што беше претходно објавено, пренесе Бета.

„Еден човек беше опериран и не се работи за возачот за кој се шпекулираше дека му ја ампутирале ногата, туку за татко на дете кому му е ампутирана потколеница“, изјави Лончар за РТС.

Во текот на ноќта на местото на несреќата пристигнаа главниот обвинител на Бугарија, Иван Гешев и неговиот заменик Борислав Сарафов, кој е и директор на Националната истражна служба, за да се запознаат со текот на истрагата.

„За жал, имаме хронични проблеми и со патиштата и со ознаките на патиштата. Од обвинителството повеќепати ни е кажано дека имаме проблеми со возачите кои управуваат со моторни возила откако конзумирале алкохол и дрога“, рече тој.

На таа магистрала пред два дена загинаа бремена жена и дете откако автомобил со турски регистерски талбички со кој се превезувале излетал од патот.