Два питбула искасале скопјанец
Тешко повреден 77-годишник од Скопје откако го нападнале кучиња од расата питбул, кои биле придружувани од сопственикот.
Од Министерството за внатрешни работи информираат дека случајот бил пријавен на 08.11.2022 околу 11.30 часот во СВР Скопје. Инцидентот се случил на ул.„Франце Прешерн” во Скопје, на кејот на реката Вардар.
МВР информира дека по целосно документирање на случајот, во координација со Јавен обвинител, против сопственикот ќе биде поднесена соодветна пријава.