Дуковски тврди дека некој му се заканувал на Боки 13
Адвокатот Сашо Дукоски тврди дека денеска пред давањето исказ во Јавно обвинителство имало закани кон Бојан Јовановски на неговиот телефон. Непознат машки глас околу 10 часот и 50 минути се јавил на мобилниот телефон на Дукоски и почнал да се заканува и да го навредува Јовановски.
-Ми рече нека пази добро што зборува таму каде што е дојден. Соговорникот, чиј глас не ми е познат, зборуваше чудно – изјави Дукоски.
Адвокатот на Боки 13 вели дека тој денеска во Основното јавно обвинителство давал исказ во врска со кривичните пријави што ги поднесе според членот 359 од КЗ , и тоа за злоупотреба на службена положба и овластување, давање лажен исказ, како и за противзаконито влијание.Јовановски за следната недела најавува уште четири нови кривични пријави.
На оваа информација реагираше портпаролот на ВМРО-ДПМНЕ, Наум Стоилковски, оценувајќи дека ова била директна закана за убиство.
-Ова е кривично дело и ги повикуваме институциите веднаш да реагираат.Го повикуваме ЈО веднаш да постапи согласно своите надлежности и да ги открие заканувачите.Зошто, и покрај ваквите закани по неговиот живот и животот на неговиот адвокат, продолжувањето на исказот на Боки 13 е закажан за 3 јули, а не во разумен рок.Зошто се остава толкав простор помеѓу првиот и вториот исказ и дали со тоа не се остава простор за можно влијание врз Боки 13 и неговиот втор исказ, праша Стоилковски.