ДУИ ја бара и Банката за поддршка на развојот

ДУИ предложи шест имиња за директори откако претседателот на Владата, Зоран Заев, минатата недела објави дека ќе бидат разрешени директори, членови на Управни и на Надзорни одбори. 
Како што објави телевизија „Алсат“, за Македонски железници- инфраструктура предложен е Фестим Халили, за Бирото за јавни набавки Елвадина Дика, за Агенцијата за странски инвестиции Арбен Вила, за „Македонија пат“ Армир Садику, за Клиниката за гинекологија Ајрула Мустафа и за Банката за поддршка на развојот – Фарук Исмаили.
До сега ЈП „МЖ – Инфраструктура“ го водеше Ирфан Асани, директор на Бирото за јавни набавки беше Бардул Насуфи, Вулнет Адеми и Гајур Кадриу беа директори на Агенција за странски инвестиции и „Македонија пат“ а Ваљон Беља беше економски директор на ЈЗУ ГАК.
Член на Надзорниот одбор и в.д директор на банката за поддршка на развојот беше Кирил Колемишевски.