Драматична снимка од пожарот во Калифорнија
Драматична снимка од пожарите во Калифорнија, споделија на социјалната мрежа „Х“, двајца другари, кои со маски на лицето бегаат од куќата, пред да ја зафати пожар. Надвор пак, ги дочекуваат запалени дрвја, а по улицата ветрот вее запалени парчиња и искри.
Video of the moment my friend and I abandoned his house after we tried to save what we could. Please be praying for him and his family @orlylistens
Location: North of Rustic Canyon#cawx #PalisadesFire #fire #California pic.twitter.com/fie6Ywkmz3
— Tanner Charles 🌪 (@TannerCharlesMN) January 8, 2025
Две лица загинаа, повеќе се повредени
Началникот на пожарникарите во округот Лос Анџелес, Ентони Мароне, потврди дека две лица загинале во пожарот во Итон, еден од четирите шумски пожари со кои моментално се соочува Калифорнија.
„Таму се распоредени повеќе од 500 пожарникари. За жал, имаме двајца загинати, двајца цивили“, рече тој за пожарот што беснее кај Алтадена.
Таму изгореа повеќе од 800 хектари. Тој истакна дека пожарот во Палисадес проголта повеќе од 2.000 хектари. Тој истакна дека пожарникарите воопшто не можеле да ги стават под контрола двата пожари.
„Ако добиете наредба за евакуација, сфатете ја сериозно“
Д-р Ариел Коен, главен метеоролог во Националната метеоролошка служба во Лос Анџелес, рече дека Калифорнија се соочува со еден од најлошите шумски пожари во историјата. Зборувајќи за силните ветрови кои ги шират пожарите во текот на ноќта, Коен вели дека ова е „најуништувачката бура што ја виделе во последните децении“.
„Зборуваме за ветрови до 160 км/ч кои шират пожари низ областа Лос Анџелес, создавајќи катастрофа“, нагласи тој.
„Ве молам сите, ако добиете наредба за евакуација, сфатете ја сериозно, вашиот живот зависи од тоа“, додаде тој. Истакна дека ќе продолжи да дува силен ветер уште неколку часа и дека во моментов не се предвидуваат врнежи од дожд.
Избувнал и петти пожар
🚨 California Wildfires Update: Fast-moving fires are sweeping through the Los Angeles area, forcing mandatory evacuations for over 49,000 residents.
Palisades Fire – 3,000 acres
Eaton Fire – 1,000 acres
Hurst Fire – 500 acresNo fatalities. Containment at 0%. @KPRC2 pic.twitter.com/2W0EOnoxe4
— Gage Goulding – KPRC 2 (@GageGoulding) January 8, 2025
Петти пожар избувна во Лос Анџелес, соопшти Калифорниското одделение за шумарство и противпожарна заштита. Пожарот Вудли моментално е на 30 хектари и е поголем од пожарот Тајлер што неодамна избувна во округот Риверсајд.
Пожарот продолжува да се шири
Пожарот Итон изгоре 900 хектари и е целосно надвор од контрола, соопштија властите во Лос Анџелес. Во гаснењето на пожарот се ангажирани повеќе од 700 пожарникари.
Друг шумски пожар во округот Лос Анџелес, пожарот Вудли, изгоре околу 75 хектари, соопштија претставници на пожарникарите во Калифорнија.
Силниот ветер го движи пожарот кон југ, а екипите активно работат на локализирање на пожарот и заштита на објектите во погодената област.