Драматичен ден во Иран: Големи протести и убиени 15 лица во света џамија (Видео)

Вооружени напаѓачи нападнаа големо шиитско свето место во Иран во средата, при што загинаа најмалку 15 луѓе, а десетици беа ранети. Нападот се случи кога демонстрантите на друго место во Иран одбележаа симболични 40 дена откако смртта на една жена во притвор го запали најголемото антивладино движење во повеќе од една деценија.

Државната телевизија ги обвини за нападот „такфири“, термин кој се однесува на сунитските муслимански екстремисти кои во минатото го целеа шиитското мнозинство во земјата. Нападот се чинеше дека не е поврзан со демонстрациите.

A huge number of people took to the streets in the #Iranian city of #Saqez to honor the memory of #MahsaAmini, a girl who was killed by security forces and became a symbol of protest against the dictatorship of the ayatollahs.

Today is 40 days from the date of her death. pic.twitter.com/8prxJCkqoI

— NEXTA (@nexta_tv) October 26, 2022

Официјалната веб-страница на судството соопшти дека двајца вооружени лица се уапсени, а третиот е во бегство по нападот на џамијата Шах Чераг, второто најсвето место во Иран. Државната новинска агенција ИРНА го објави бројот на загинати, а државната телевизија соопшти дека се ранети 40 луѓе.

Иранска веб-страница за вести, која се смета за блиска до Врховниот совет за национална безбедност, објави дека напаѓачите биле странски државјани, без да наведе детали.

Ваквите напади се ретки во Иран, но минатиот април напаѓач избоде до смрт двајца свештеници во храмот Имам Реза, најпочитуваното шиитско место во земјата, во североисточниот град Машхад.

Иранскиот претседател Ебрахим Раиси рече дека кој и да го водел и планирал нападот „ќе добие жален и решителен одговор“, без да наведе детали. ИРНА ја цитираше изјавата на Раиси: „Ова зло дефинитивно нема да остане без одговор“.

Претходно во средата, илјадници демонстранти излегоа на улиците на северозападниот град за да одбележат 40 дена од смртта во притвор на 22-годишната Махса Амини, чија трагедија ги поттикна протестите.

Смртта се одбележува во шиитскиот ислам – како и во многу други традиции – повторно 40 дена подоцна, обично со излив на тага. Во курдскиот роден град на Амини, Сакез, родното место на националните немири кои сега го обземаат Иран, огромни редизи луѓе одеа кон локалните гробишта и го преплавијанејзиниот гроб.

„Смрт за диктаторот!“, извикуваа демонстрантите. Жените ги скинаа шамиите и ги мавтаа со над нивните глави. Други видеа покажаа масивна поворка што се движи по автопат и низ правливо поле кон гробот на Амини. Имаше извештаи за затворање на патишта во областа.

Медиумите поврзани со државата објавија дека 10.000 демонстранти биле во поворката до нејзиниот гроб.

Хенгав, курдска група за човекови права, рече дека безбедносните сили употребиле солзавец за да ги растераат демонстрантите. Претходно истиот ден, гувернерот на Курдистан, Есмаил Зареи Кооша, инсистираше на тоа дека сообраќајот се одвива нормално, нарекувајќи ја ситуацијата „целосно стабилна“.

Државните медиуми објавија дека училиштата и универзитетите во северозападниот регион на Иран ќе се затворат, наводно за да се спречи „ширењето на грипот“.

Во центарот на Техеран главните делови од традиционалната голема чаршија беа затворени во знак на солидарност со протестите. Толпата ракоплескаше и извикуваше „Слобода! Слобода! Слобода!“ низ лавиринтскиот пазар.

„Оваа година е година на крв!“, сакндираа тие. „(Врховниот лидер ајатолахот Али Хамнеи) ќе биде соборен!“

Полицајците за немири на мотори беа вклучени за разбивање на протестите.

Поголема група мажи и жени маршираа низ улиците, палејќи корпи за отпадоци и извикувајќи „Смрт за диктаторот!“ додека автомобилите ја трубеа за поддршка. Антивладините скандирања одекнаа и од кампусот на Универзитетот во Техеран. (АП)