ДПМ распишува конкурс за најдобра песна и есеј

Друштвото на писателите на Македонија (ДПМ) распишува конкурс за најдобра песна и најдобар есеј на манифестацијата „Празник на липите“. На конкурсот може да учествуваат сите членови на ДПМ анонимно, а изборот за најдобра песна, односно есеј, ќе го врши тричлена стручна комисија.

Како што соопштија од ДПМ, песната или есејот треба да се испрати во 4 примероци потпишани со шифра на адреса – улица „Максим Горки“, бр. 18, 1000 Скопје, или преку електронска пошта на адресата [email protected], најдоцна до 15 јуни оваа година.

Манифестацијата „Празник на липите“ ќе се одржи во втората половина на јуни, а точниот датум ќе биде дополнително и благовремено објавен.

– Напоменуваме дека е потребно учесниците што ќе учествуваат по електронски пат да направат нова адреса за електронска пошта исклучиво наменета за конкурсот, која нема да ги оддава нивните лични податоци и ќе го гарантира принципот на анонимност, се наведува во соопштението на Друштвото на писателите на Македонија.