Дончиќ дебитираше за Лејкерс: Одамна не сум имал толкава трема
Лука Дончиќ заврши со 14 поени, 5 скока и 4 асистенции, а Леброн Џејмс додаде 24 поени, 7 скока и 8 асистенции во победата на Лос Анџелес Лејкерс над Јута Џез со 132-113 во дебито на словенечката ѕвезда за тимот. Дончиќ одигра 24 минути.
Остин Ривс постигна 22 и забележа 9 скока, а Руи Хачимура додаде 21 поен за Лејкерси, кои ја забележаа шестата последователна победа.
Џордан Гудвин постигна 17 на својот втор натпревар за Лејкерс.
Лаури Марканен и Џон Колинс постигнаа по 17 поени, а Џордан Кларксон додаде 16 за Јута, која сега запиша деветти пораз по ред на гостувањата.
Luka Doncic hit the Dirk Nowitzki fadeaway with him in the building 😮💨 pic.twitter.com/gyeVc5QC6n
— ESPN (@espn) February 11, 2025
Дебито на Лука Дончиќ за Лос Анџелес Лејкерс помина во голем стил, но тој самиот призна дека му било малку непријатно и имал трема.
Дончиќ го одигра првиот натпревар во дресот на „езерџиите“ по трејдот, против Јута. Во своето деби за својот нов клуб, тој постигна 14 поени, забележа пет скока и четири асистенции, додека Л.А. го совлада противникот за шестата последователна победа (132:113).
-Леле, многу луѓе. Тоа беше нешто посебно. Кога ги гледав момците на теренот на последните натпревари, само мислев дека сакам да играм со нив, рече Лука Дончиќ при пристигнувањето на прес-конференцијата по долгоочекуваното деби за Лос Анџелес Лејкерс.
LeBron James one-legged fade.
Luka Dončić one-legged fade.A mirror image for the Lakers superstar duo 🤩🤩 pic.twitter.com/svH9a0xXlO
— NBA (@NBA) February 11, 2025
Дончиќ во дебито постигна 14 поени, но шутот не му одеше најдобро. Тој погоди 5 од 14 обиди од поле по долгото лекување на повредата на глутеалниот мускул, а последен пат играше на Божиќ.
-Бев малку нервозен. Тоа не ми се случило пред натпревар долго време. Не сум играл долго време. Ова е нов тим за мене. Но, беше забавно на теренот, призна словенечкиот репрезентативец и додаде: „Ова е нов тим, ново сè. Ми се допаѓа начинот на кој ми помогнаа – моите соиграчи, Роб (Пелинка, ГМ), Џини (Бас, сопственик). Чувствував голема поддршка. Беше очигледно… Кога дојдов во салата, ги видов сите дресови „Лука“. Надреално чувство“.
Пред натпреварот го охрабри и Леброн Џејмс кој му порача да биде тоа што е.
The Lakers playing European music ahead of Luka's debut 😅 🤝
(via @mcten) pic.twitter.com/76aP5rrmQF
— ESPN (@espn) February 11, 2025
-За Леброн да каже нешто такво ми дава дополнителна самодоверба. Се наежив. Посебно е. Тој ја гледа играта поинаку од многу луѓе, неговата интелигенција е луда. И знаете, имајќи двајца такви момци на теренот, мислам дека тоа ќе му помогне на целиот тим, рече Дончиќ.
Натпреварот го следеше и Дирк Новицки, легендата на Далас Маверикс.
-Многу ми значи. Дека дојде. Тој е мој голем пријател, секогаш сум го гледал, тој е одличен ментор. Фактот што се појави, што долета од Далас е неверојатно и јас навистина, навистина го ценам тоа, додаде Дончиќ.