Дома чувал милион евра, па му ги украле

Скопјанец, во саботата пријавил дека од дома му украле многу пари, евра, долари, швајцарски франци и денари.

Имено, во саботата во 22.10 часот во СВР Скопје, Ш.И.(58) од Скопје пријавил дека во период од 19.30 до 21.45 часот во куќа во Скопје во негова сопственост од непознато лице му била извршена тешка кражба така што сторителот насилно влегол во куќата и од една од собите одзел три кеси со 800.000 евра, 60.000 американски долари, 50.000 швајцарски франци и 1.000.000 денари.

Се преземаат мерки за расчистување на случајот.