Дојде време Евреи да бегаат и од Израел

Анкета на израелскиот јавен радиодифузер Кан за емиграцијата од Израел покажа дека една третина од испитаниците познаваат некого кој ја напуштил земјата, додека 12 проценти рекле дека исходот од следните избори би можел да одреди дали ќе останат во Израел или ќе заминат.

Прашањето за емиграцијата од Израел и загриженоста поради растечкиот број Израелци кои одлучуваат да ја напуштат земјата, се очекува да биде клучно прашање на претстојните избори.

Во анкетата на Кан, објавена во неделата вечерта, испитаниците беа прашани за нивните ставови за ова прашање. Една третина рекле дека познаваат некого кој го напуштил Израел во текот на изминатите две години, додека две третини рекле дека не. На прашањето дали размислувале да го напуштат Израел во текот на изминатите две години, огромното мнозинство, 82 проценти, рекле не. Сепак, 18 проценти, или речиси еден од пет испитаници, рекле дека размислувале да заминат.

Во врска со изборите закажани за октомври, 12 проценти од испитаниците рекле дека нивниот исход би можел да влијае на нивната одлука да останат во Израел, во споредба со околу две третини кои рекле дека резултатот од изборите нема да влијае на нивната одлука. Една петтина рекле дека не знаат.