Дојче банк заплени 20 тони злато во сопственост на Венецуела


Венецуела во мај продаде 15 тони злато во вредност од 570 милиони долари од резервите на централната банка и на тој начин ги спушти резервите на најниско ниво за последните 29 години.

Тие сега вредат 7,9 милијарди долари. Дојче банк заплени 20 тони злато во сопственост на Венецуела и го користи како хипотека откако Каракас не го исполни билатералниот договор за замена на злато во вредност од 750 милиони долари, наведува Блумберг.

Венецуела доби готовински кредит од Дојче банк во согласност со финансискиот договор од 2016 година, кој треба да заврши до 2021 година.

Банката одлучи да го раскине договорот кога Венецуела претходно оваа година не успеа да ги плати долговите на компанијата.

Ова се случи кога лидерот на опозицијата Хуан Гваидо покажа подготвеност да преговара за условите со Дојче банк, да им даде депозит од 120 милиони долари што нема да може да го преземе официјалниот претседател на Венецуела, Николас Мадуро.