Димитров: Со глас за број три да покажеме дека сме цврсто решени да продолжиме заедно напред
Министерот за надворешни работи Никола Димитров на синоќешната трибина во Охрид ги повика граѓаните на 5 мај преку глас за број три да го потврдат европскиот курс на државата и да си обезбедат иднина во ЕУ и НАТО.
– Да излеземе и да покажеме дека цврсто сме решени да ги фатиме уздите! Мора да нѐ биде, мора да ја биде државата, не сме ние ништо понеспособни од другите народи и ние заслужуваме да бидеме полноправен член на ЕУ и НАТО бидејќи таму навистина припаѓаме – рече Димитров.
Зборувајќи за процесот на евроинтеграциите министерот Димитров истакна дека брзината со која се движиме кон ЕУ и НАТО гарантира дека наскоро и формално стануваме членка на НАТО, а веќе годинава ги започнуваме преговорите со ЕУ.
– Порано бевме далеку како од Охрид до Скопје, сега како од тука до пристаниште. Затоа да не застануваме туку да продолжиме заедно напред, преку масовна излезеност и масовна поддршка за бројот три и Стево Пендаровски – повика Димитров.