Диего Кошта осуден на шест месеци затвор за затајување данок


Напаѓачот на Атлетико Мадрид, Диего Кошта (31) е осуден на шест месеци затвор за затајување данок, но благодарение на договорот со шпанското обвинителство, тој нема да оди во затвор, но мора да плати казна од околу 543,000 евра.

Шестмесечната затворска казна е сменета за парична казна од 36.000 евра, на која доаѓа уште една казна од 507.208 евра, поради затајување данок од повеќе од милион евра.

Тој веќе плати 1,14 милиони евра во август, со што го отплати даночниот долг со камата, што го олесни и договорот со шпанските обвинители.

Кошта беше обвинет дека не успеал да поднесе данок од 1,1 милиони евра за тој трансфер вреден 38 милиони евра во својата даночна пријава за 2014 година, кога потпиша договор со англискиот премиерлигаш Челси.