Дибала нема да го продолжи договорот со Јувентус и ќе се пресели во Манчестер јунајтед

Напаѓачот на Јувентус, Пауло Дибала може да стане играч на Манчестер јунајтед, објави „Газета дело Спорт“.

Според италијанскиот весник, 26-годишниот Аргентинец ова лето ќе се пресели во Англија за да можат Италијанците да заработат барем некоја сума.

Тековниот договор на напаѓачот со „старата дама“ истекува во јули 2022 година, по што ќе стане слободен играч.

Претходно медиумите известуваа за интересот за Аргентинецот од страната на Атлетико Мадрид.

Оваа сезона, Дибала одигра три натпревари за торинскиот клуб во Серија А.