Девојче се удави во Маркова река, родителите биле на свадба

Трагедија го зави во црно скопско Батинци. Петгодишно девојче се удави во Маркова река додека нејзините родители биле на свадба, соопшти полицијата. Несреќата се случи вчера околу 15.25 часот во близина на стариот пат за Батинци. Девојчето си играло со другите деца и во еден момент паднало во водата и се удавило. Бадијала биле обидите за спас на нејзиниот живот.

„Лекар од Итната медицинска помош констатирал смрт без траги на насилство, а увид на местото извршила екипа од СВР Скопје. По наредба на Јавен обвинител телото било предадено на семејството“, велат од Министерството за внатрешни работи.