Дете се удави во Брегалница

Се удави 14-годишно дете од Виница во водите на Брегалница.

Тој со уште неколку други деца вчера напладне заминале кон мост во селото Истибања и влегле во реката за да се капат.

Момчето кое го одвела водата било барано околу пет часа од страна на полициски службеници од Виница и Територијалната противпожарна единица кои дошле на местото на несреќата.

Од полицијата информираат дека лекар констатирал смрт, а телото на починатиот е дадено на семејството.