Детали за страотната сообраќајка кај Струмица: Загина 19-годишна девојка

Деветнаесетгодишна девојка од Струмица загина во сообраќајната несреќа што се случи утрово, во 04 часот на магистралниот пат Струмица – Радовиш. Во близина на селото Радичево, дошло до судир меѓу „фолсваген шаран“ со бугарски национални ознаки, управувано од Ф.Д. (31) од Струмица и товарно моторно возило „даф“ со радовишки регистарски ознаки, управувано од С.Т (44) од Радовиш, пишува порталот „Струмицаденес“.

На местото на настанот починала сопатничката во автомобилот – С.Т. (19) од Струмица, а возачот Ф.Д се здобил со тешки телесни повреди и бил пренесен на скопските клиники. Се истражуваат причините за несреќата.