Дескоска нема да биде министерка, се враќа на Правниот факултет
Актуелната министерка за правда од редовите на СДСМ, Рената Дескоска, во изјава за ТВ 24 потврдува дека се повлекува од извршната власт.
-Јас најавив пред извесно време дека сакам да се вратам на мојата професија и да се посветам на стручна работа. Секако, Владата, премиерот Заев и кој и да е новиот министер за правда ќе ја имаат мојата целосна стручна поддршка – вели Дескоска.
Дескоска, која пред трансферот во правда беше министерка за образование, е професорка по уставно право и политички систем на Правниот факултет „Јустинијан Први“ при Универзитетот „Св. Кирил и Методиј“ во Скопје.