Дензел Вашингтон според „Њујорк тајмс“ е најдобар актер на 21 век

САД- Оскаровецот Дензел Вашингтон, кој ја доби највисоката филмска награда за својата улога во акциониот трилер „Ден за обука“ ( 2001 година), е на врвот на престижното одбројување на „Њујорк Тајмс“.

Манола Дарџис и А.О. Скот, критичарите кои ја составија листата на најдобри актери/актерки на столетието, открија дека Дензел го зазел местото број еден без никакви дискусии.

Скот напиша: „Се расправавме… и се расправавме за секој друг внес на листата, но немаше никакво двоумење или дебата за него.“

„Дензел Вашингтон е многу повеќе од категорија: Титан на екранот, тој е суптилен и чувствителен мајстор, со сериозна обука од старата школа и блескаво присуство на филмска sвезда. Може да направи од Шекспир и Август Вилсон злодело или акционо херојство. Тој е еден од врвните актерски момци.“

Дарџис додаде: „Дензел прави глумата да изгледа како дишење“.

Втора на листата е актерката Изабел Ипер за нејзините „бестрашни и зачудувачки“ настапи, додека третото место му припадна на Даниел Деј Луис.

Кијану Ривс се пласираше на четвртото место, едно место пред Никол Кидман.

Од европските актери меѓу 25 најдобри актери, се вброија и Катрин Денев, Сурша Ронан, Тилда Свинтон, Тони Сервијо и Гаел Гарсија Бернал.