Децата можат истовремено да имаат и Ковид-19 и антитела

BERLIN, GERMANY - MARCH 30: Technicians test patient swabs for possible coronavirus infection at the IFLb medical lab on March 30, 2020 in Berlin, Germany. The IFLb lab is currently processing approximately 300 coronavirus tests a day and is one of several labs conducting the tests in Berlin. The German government is seeking to greatly increase Germany's coronavirus testing capacity as a means to possibly ease restrictions on public life that are having a devastating effect on the economy. (Photo by Sean Gallup/Getty Images)

Нова студија откри дека некои деца истовремено имаат Ковид-19 и антитела во нивниот организам, јави денеска Еј Би Си.

Студијата открила дека некои деца покажуваат знаци на Ковид-19 понекогаш дури и месеци по првиот позитивен тест. Не само тоа, туку има преклопување на антитела, што обично укажува на претходна инфекција.

Според здравствените експерти, студијата ја потврдува важноста за физичко дистанцирање, дури и ако детето има позитивен тест за антитела.

Педијатарката Џесика Ланери вели дека ние често ги поврзуваме антителата со заштита од вирусот, но лекарите сè уште се обидуваат да откријат кое ниво на антитела е потребно за да се заштити човекот и колку долго ќе биде заштитен.

– Мислам дека најважното нешто за родителите е ако детето има какви било симптоми, дури и ако се благи симптоми на настинка, да ги задржат дома, дури и ако немаат висока температура. Ако имаат течење на носот, кашлање, дури и ако се супер благи, најдобро што треба да направите е да ги оставите дома и да се консултирате со нивниот педијатар пред да ги вратите на училиште, вели д-р Ланери.

Студијата исто така открила дека девојчињата на возраст од 9 до 15 години обично имаат позитивен резултат подолго од другите деца со Ковид-19.