Децата кои особено ги сакаат овие играчки имаат висока интелигенција

Новото истражување откри дека децата кои сакаат да си играат со одредени играчки имаат висока интелигенција.

Имено, истражувањето спроведено од Универзитетот во Индијана и Универзитетот во Висконсин откри дека интензивниот интерес на децата за диносаурусите може да доведе до цела низа предности кога станува збор за интелигенцијата.

Се вели дека интензивниот интерес ја зголемува упорноста, го подобрува вниманието и ги подобрува сложените мисловни вештини кај децата. Исто така, децата кои се „опседнати“ со диносауруси имаат подобри јазични вештини.

Децата кои имаат силен интерес за диносаурусите подобро ги решаваат проблемите и развиваат стратегии подоцна во животот.

Сепак, придобивките не се ограничени само на децата кои се „опседнати“ со диносаурусите. Може да биде „интензивен интерес“ за неколку области како што се авиони или коњи, а моторните возила се исто така високо на листата.

Исто така, експертите известуваат дека многу родители изјавиле дека интензивниот интерес на нивното дете траел само помеѓу шест месеци и три години пред да преминат на следното нешто.