Данскиот бродски гигант „Маерск“ ќе го продолжи транспортот во Црвеното Море

Глобалниот бродски гигант „Маерск“ ќе ги рестартира операциите во Црвеното Море откако ги прекина активностите таму по нападите на бунтовниците Хути, поддржани од Иран, врз комерцијални бродови.

Данската компанија во неделата објави дека ќе продолжи со испораките во Црвеното Море и Аденскиот Залив по воспоставувањето на новата безбедносна операција предводена од САД за заштита на областа.

Операцијата Просперитет Гардијан повторно ќе им овозможи на бродовите да минуваат низ областа, се вели во соопштението на „Маерск“, во, како што ја нарече „најдобредојдената вест за целата индустрија и навистина функционалноста на глобалната трговија“.

Мултинационалната безбедносна операција ги вклучува Обединетото Кралство, Бахреин, Канада, Франција, Италија, Холандија, Норвешка, Сејшелите и Шпанија.

Некои од најголемите светски компании, вклучително и нафтениот гигант БП, неодамна соопштија дека ги прекинуваат своите операции во Црвеното Море, избегнувајќи го и клучниот Суецки канал, по нападите на комерцијалните бродови од страна на Хутите, за кои милитантите рекоа дека се одмазда против Израел за воена кампања против Хамас во Газа.

Околу 10 отсто до 15 отсто од глобалната трговија – и 30 отсто од трговијата со контејнери – поминува низ воден пат што го поврзува Црвеното Море со Средоземното Море.

Некои бродови веќе беа пренасочени околу јужниот дел на Африка, предизвикувајќи загриженост дека продолженото ефективно затворање на Суецкиот канал ќе ги зголеми трошоците за товар и времето на испорака.

„Маерск“ ги пренасочи своите бродови подалеку од Црвеното Море претходно овој месец и воведе нови давачки за транспорт на стоки по подолги рути како резултат на прекинот.

Во својата неделна изјава, компанијата рече дека ги подготвува своите први бродови да го обноват транзитот низ Црвеното Море „што е можно поскоро оперативно“,јаво Си-Ен-Ен.

„Додека го правиме тоа, обезбедувањето на безбедноста на нашите вработени е од најголема важност и наш приоритет број еден во справувањето со предизвикувачката ситуација“, додаваат од компанијата.

Истакна дека додека безбедноста се зајакнува, „вкупниот ризик во областа не е елиминиран во оваа фаза“.

„Маерск нема да се двоуми да ја преиспита ситуацијата и уште еднаш да иницира планови за пренасочување доколку сметаме дека е неопходно за безбедноста на нашите морнари“, соопшти компанијата, додавајќи дека ќе сподели детали за новиот аранжман во наредните денови.