Дали сте подготвени: Почнуваат комерцијални летови во вселената (видео)

Јапонски стартап воведе иновација во светот за летање со балон. Тие изградија балон со кабина со две седишта, специјално дизајниран да се издигнува до половина во стратосферата.

Во Јапонија е претставена сосема нова и интересна техничка иновација. Иваја Гикен ги објави плановите за лансирање на комерцијални летови со балони за вселенски патувања. Овие тури со балон на топол воздух ќе бидат побезбедни и поевтини од која било друга форма на патување надвор од нашата планета досега.

Балонот има кабина со две седишта, а може да се издигне до висина од околу 30 километри, што е околу средината на стратосферата. Балонот е безбеден, економичен и атрактивен, а зад него стои целата идеја дека вселенскиот туризам мора да биде достапен за секого.

Извршниот директор на компанијата, Кеисуке Иваја, рече дека патниците не треба да бидат милијардери и дека нема да им треба интензивна обука за да останат во вселената. Балонот има херметички затворена кабина за екипажот и ќе лета до височини кои вообичаено се недостапни за комерцијални авиони.

За разлика од ракета балонот се крева со помош на хелиум, кој во голема мера може повторно да се користи. Првото патување е веќе планирано на крајот на оваа година. На почетокот летот би чинел околу 180.000 долари, додека со текот на времето цената би била драстично помала, околу десет илјади долари.