Дали Натали Вуд навистина се удави на денешен ден пред 42 години?
Кога познатата холивудска актерка која не знае да плива, ќе заврши со лицето надолу во океанот на островот Санта Каталина, тоа дефинитивно станува случај кој предизвикува внимание.
Смртта на актерката Натали Вуд од „West Side Story“ четири децении следи „таблоидни шпекулации и шепоти за подлабока приказна“, особено кога судскиот вештак од округот Л.А. ја смени причината за нејзината смрт.
Околу 30-годишнината од нејзината смрт, во ноември 2011 година, Одделот на шерифот на округот Л.А. повторно го отвори случајот и ја промени причината за смртта на Вуд од „случајно давење“ во „давење и други неодредени фактори“, според Л.А. Тајмс.
Дополнителна белешка од 10 страници беше додадена во извештајот од обдукцијата на Вуд во 2011 година, каде беше детално опишано дека има и „неодамнешни модринки“ и „неколкудневни модринки“ без „без посебна шема“.
Некои од овие пријавени модринки и „абразии“ биле пронајдени на „екстремитетите“ и на „левата страна од лицето“.
Белешката објаснува дека „модринките особено во горните екстремитети се појавиле свежи и можеле да се појават пред (Вуд) да влезе во водата“.
По опишувањето на повредите што очигледно ги здобила Вуд, дополнителната белешка продолжила велејќи дека „има спротивставени изјави за тоа кога починатата исчезнала од јахтата и дали имало вербални расправии меѓу покојникот и нејзиниот сопруг“.
„Овој лекарски преглед не може да го исклучи неволното, непланирано влегување во водата“, се наведува во извештајот на вештакот на Л.А.
Ен-Би-Си Њуз објави за наодите од овој документ велејќи дека главниот судски иследник и началник Крег Харви рекол: „Нема да има дополнителна изјава од судскиот вештак во врска со смртната повреда на Натали Вуд“.
Временската рамка за смртта на Натали Вуд го наведува следниов редослед на настани:
28 ноември 1981 година: „Вуд и нејзиниот тогашен сопруг Роберт Вагнер се качија на својата јахта со Кристофер Вокен и капетанот на бродот Денис Таверна“.
28 ноември 1981 година: „Вуд исчезна во 23:05 часот, таа вечер.”
29 ноември 1981 година: „По исчезнувањето на Вуд, во 1:30 часот по полноќ беше упатен повик од брод до брег. Крајбрежната стража беше известена потоа во 3:30 часот по полноќ.“
29 ноември 1981 година: „Телото на Вуд беше откриено околу 08:00 часот во водата приближно една милја подалеку од јахтата. Нејзината смрт првично се сметаше за несреќа со давење“.
1 септември 1997 година: „Вокен понуди теорија за ноќта на смртта на Вуд во интервју за Playboy, велејќи: „Секој таму ја виде логистиката – на бродот, ноќта, каде што бевме, дека врнеше – и ќе знаете точно што се случило“.
17 ноември 2011 година: „Одделот на шерифот на округот Лос Анџелес повторно ја отвори својата првична истрага за смртта на Вуд откако доби „дополнителни информации“ од лице кое ги контактирало властите“.
14 јануари 2013: „Причината за смртта на Вуд беше променета од случајно давење во „давење и други неодредени фактори“.
18 јануари 2013 година: „Вагнер одби да разговара со детективите и покрај тоа што не е осомничен“, соопшти полицијата.
Harpers Bazaar објави дека на вечерата пред исчезнувањето и смртта на Вуд, Вуд, Вагнер, Вокен и Дејверн „уживале во вечера исполнета со шампањ во ресторанот Doug’s Harbour Reef во Каталина пред повторно да се качат на јахтата за вечерта“.
„Фактот дека нејзиниот стомак содржел 500 кубика делумно сварен прехранбен материјал го поддржува мислењето дека времето на смртта е околу полноќ, особено со оглед на информациите дека вечерата се консумирала помеѓу 20 и 21 часот“, се наведува во дополнителниот извештај.
Извештајот понатаму утврди дека „со оглед на температурата на водата и времето на смртта дадено во извештајот од обдукцијата, изгледа дека г-ѓа Вуд се удавила за кратко време од нејзиното влегување во водата“.
Со локацијата на нејзините модринки, наводно, инспекторите претпоставуваат дека „се појавиле модринки пред да влезе во водата“.
Во извештајот на судскиот лекар во случајот на Вуд е наведено: „Овој лекарски преглед смета дека начинот на смрт треба да се остави како неодреден“.