Црна Гора привлекла 506,8 милиони евра странски инвестиции, се одлеале 161,4 милиони

Вкупниот прилив на странски директни инвестиции (СДИ) во првите девет месеци од годинава изнесува 506,8 милиони евра, додека во исто време од земјата се одлеале 161,4 милиони евра, покажуваат првичните податоци на Централната банка на Црна Гора (ЦБЦГ).

Нето-приливот на странски директни инвестиции, односно разликата помеѓу нивниот прилив и одлив, во септември изнесува 345,4 милиони евра, што е за 52,2 проценти повеќе отколку во истиот период минатата година, пренесува Банкар.

„Вкупниот прилив на странски директни инвестиции се намали за 14,4 проценти во споредба со истиот период лани, што е резултат на падот на сопственички вложувања“, се наведува во билтенот на ЦБЦГ.

Врз основа на вложувања на резиденти во странство, од земјата се одлеале 19,7 милиони евра, додека повлекувањето средства на нерезиденти инвестирани во Црна Гора изнесува 141,7 милиони евра.

Приливот на странски директни инвестиции во вид на капитални инвестиции изнесува 164,3 милиони евра, што е 32,4 отсто од вкупниот износ. Од нив, 72,4 милиони евра се инвестирани во недвижен имот, а 91,9 милиони евра во компании и банки.

Приливот на СДИ во форма на меѓукомпаниски долг изнесува 311,9 милиони евра, што е за 32,7 проценти повеќе отколку во истиот период минатата година.