Црн мраз во Германија издадени предупредувања, откажана наставата
Црн мраз, кој се појавува на патиштата и плочниците, прави проблеми низ цела Германија. Метеоролозите издадоа предупредувања за речиси цела земја, се откажува наставата, има прекин во воздушниот и железничкиот сообраќај, а на патиштата дојде до голем број сообраќајки во кои има и загинати.
Издадени предупредувања
Германската метеоролошката служба издаде предупредувања за опасни временски прилики поради ледениот дожд поради кој на површината се ствара речиси невидлив слој мраз. Предупредувања се издадени во делови од сите германски сојузни земји. Поради поледицата се можни застои во сообраќајот, а и патиштата и пругите на места се неопходни.
Замрзнатиот дожд најпрво се појави на запад и североисток на земјата, а потоа се прошири на исток. Ситуацијата засега се смирува во Северна Рајна-Вестфалија.
Метеоролозите предупредуваат да се избегнува престој на отворено што е повеќе можно, а на оние кои денес мора да косритат автомобил апелираат да се прилагоди начинот на возење. Се советува возачите да ги наполнат резервоарите и со себе да понесат ќебиња и топли напитоци.
Откажување на наставата
Поради опасното време откажана е наставата во низа окрузи во Долна Саска (Хановер и околината), Хесен, Порања-Фалц , а делумно е откажана наставата во Бад Кисингтон. Во бременските школи се оди на училиште од третиот час.
Низа несреќи, има и загинати
Низ цела Германија забележани се низа сообраќајки кои се поврзуваат со временските услови и во нив има повеќе повредени, а има и загинати.
Во несреќа на автопат меѓу Бремен и Хановер загина 25-годишен возач. Портпаролот на полицијата рече дека утрово автомобилот се излизгал од патот. Несреќата предизвика сообраќаен колапс. Загина и возач на трактор во несреќа на со снег прекриен пат во Холхаузен.
Во Огенбах кај Франкфурт автобусот на јавниот превоз се забил во дрво поради црниот мраз на патот. Во несреќата се повредени 12 лица и на терен се пожарникари.
Откажани се летови и линии, се затвораат и зоолошки градини . Црниот мраз, исто така, утрово го наруши сообраќајот на аеродромот во Франкфурт, еден од најголемите во Европа.
Со оглед на временските услови, доаѓа до доцнење во сообраќајот и откажувања на летови, соопшти аеродромот. Според зборовите на портпаролката, 176 од околу 1.100 полетувања и слетувања се веќе откажани.
Германските железници објавија информации за прекин на железничките линии во Франкфурт и Мајнхајм.
Поради зимските услови на патиштата во моментот постојат ограничувања во локалниот јавен превоз во цел Хесен. Во Франкфурт со проблеми се сите автобуски линии, како и подземната железница и трамваите да доаѓа до доцнење, отстапување од возниот ред и откажувања, објави франкфуртскиот јавен превозник.
Зоолошките градини во Росток и Хал се затворени поради голомразица.