Четворицата осомничени извршители за нападот во Москва изведени пред суд, двајца ја признаа вината
Пред Окружниот суд Басмани во Москва вчера се појавија сите четворица осомничени за нападот во концертната сала во предградието на Москва, во кој загинаа 137 лица, а 154 се повредени.
Двајца од нив, наведува Скај Њуз, ја признале својата вина за нападот, но сите ќе останат во притвор најмалку до 22 мај.
Како што пренесуваат руските медиуми, осомничените се обвинети за „тероризам“ и им се заканува доживотен затвор.
⚡️ Four terrorists behind Crocus City Hall attack arrive in Moscow Court pic.twitter.com/zKQvg4vam2
— RT (@RT_com) March 24, 2024
Пред судот вчера се појавија извршителите на ужасниот чин што го шокираше светот: Далерџон Баротович Мирзоев (32), Саидакрами Муродали Рачабализода (30), Шамсидин Фаридуни (25) и Мухамедсобир Фајзов (19), сите државјани на Таџикистан.
Според руските власти, на сите четворица осомничени Таџикистанци им е одреден притвор најмалку до 22 мај, пред да им се суди.
🚨🇷🇺 Moscow Crocus City Mall terror attack, Name of captured terrorists:
1) Mohammed Shamsiddin Fariduni
2) Muhammad Sobir Fayzov
3) Mohammed Saidakrom Rachabalizoda
4) Mohammed MirzoevWhat’s common between them?#Moscow #MoscowAttack #Russia pic.twitter.com/XbCeJEJyQr
— Shunya (@Shunyaa00) March 25, 2024
Руските власти претходно објавија дека се уапсени 11 лица, меѓу кои и четворица напаѓачи.
Бројот на загинатите во терористичкиот напад на салата во предградието на Москва се зголеми на 137, меѓу кои и три деца, соопштија вчера руските истражители, додавајќи дека на местото на настанот пронашле оружје и муниција.
Одговорноста за нападот ја презеде џихадистичката група Исламска држава.
Russian propagandists recreated what happened inside Crocus City Hall during and after the attack pic.twitter.com/zNiQiM9EiG
— NEXTA (@nexta_tv) March 23, 2024