Четворица загинати од циклонот Габриел во Нов Зеланд
Четири лица загинаа на Нов Зеланд откако циклонот Габриел ја погоди земјата на почетокот на оваа недела, јави ДПА, повикувајќи се на полицијата.
Тело е пронајдено на местото каде исчезна пожарникар при уривање на куќа во регионот Окленд – најнаселен град во земјата. Три лица загинаа во друга област на Северниот остров – Хоков Залив.
Циклонот донесе силен дожд и силен ветер во ноќта од понеделник кон вторник. Предизвика поплави и лизгање на земјиштето на Северниот остров, дом на три четвртини од пет милиони жители на Нов Зеланд, изолирајќи цели градови.
Околу 10.500 луѓе се принудени да ги напуштат своите домови.
At least four people have died – including a child – after Cyclone Gabrielle caused extensive flooding and landslides in New Zealand.
Hundreds have been rescued from cut-off areas affected by flooding and landslides on the North Islandhttps://t.co/tYciZDeWX5 pic.twitter.com/hcJKiRnGbQ
— Sky News (@SkyNews) February 15, 2023
Без струја останаа 144 илјади луѓе. Сепак, напојувањето е постепено обновено.
Властите на Нов Зеланд денеска соопштија дека најлошото поминало, но предупредија дека се уште постои опасност. Тие почнаа да го проценуваат степенот на штетата во изолираните градови каде што надојдените води ги разурнаа патиштата и ги прекинаа комуникациите. Во целата земја веќе една недела е прогласена вонредна состојба.
Циклонот Габриел беше „најмоќната метеоролошка појава во Нов Зеланд во овој век, рече премиерот Крис Хипкинс.
Министерот за управување со кризи, Киеран Меканулти, додаде дека „ова е голема катастрофа“. Ќе бидат потребни „многу недели“ за обнова на погодените области, предвиде тој, предупредувајќи дека „патот е долг“.
New Zealand authorities to complete rescue operations after a cyclone brought extensive flooding and landslides that killed at least four people. The cyclone brought more destruction to this nation of 5 million than any weather event in decades. https://t.co/OrxpOnKlJO
— The Associated Press (@AP) February 15, 2023