Централните банки планираат да инвестираат во злато

Истражувањето на Светскиот совет за злато покажа дека четвртина од анкетираните 59 централни банки имаат намера да ги зголемат своите златни резерви во следните 12 месеци.

Истражувањето, објавено вчера, исто така покажа дека седум од десет централни банки веруваат дека златните резерви на глобало ниво ќе се зголемат во следните 12 месеци, што е зголемување за 10 поени во однос на резултатите од минатогодишното истражување.

Овие податоци се доказ дека централните банки имаат позитивен став за овој вид инвестиции, пишува Бизнис тајмс.

Загриженоста за каматните стапки влијаеше на одлуките на испитаниците за инвестициите во злато. Ваквите одлуки се придружени со загриженост за инфлацијата, геополитичката нестабилност, како и еколошките и социјалните прашања.

Факторите кои се карактеризираат како помалку загрижувачки, во споредба со минатогодишните резултати, вклучуваат загриженост за сегашните и идните пандемии, како и за дигиталните валути, пренесува Бизнис.рс.

Испитаниците беа песимисти и за идната улога на американскиот долар. Точно половината мислат дека процентот на резерви деноминирани во американски долари ќе биде помеѓу 40 и 50 отсто во следните пет години, што е помалку од 51 отсто во третиот квартал од 2022 година.

Речиси 60 отсто мислат дека златото ќе биде поскапо во следните пет години, меѓу 16 и 25 отсто од вкупните резерви, во споредба со 15 отсто во третиот квартал од минатата година.