Целокупното творештво за возрасни на Оливера Николова реобјавено во чест на нејзиниот роденден

Издавачката куќа „Арс Ламина“ повторно ќе го објави целокупното творештво за возрасни на Оливера Николова, една од најплодните и најзначајни македонски писателки, која денеска наполни 86 години.

Книгите, кои се дел од едицијата „Македонски книжевни класици“, добија ново руво и нови поговори од значајни македонски професори и писатели. Уредник на изданието е Оливера Ќорвезироска.

Станува збор за 12 наслови, спакувани во 10 тома: „Куклите на Росица“, „Тесна врата“, „Куќичка“, „Тромбот“, „Адамовото ребро“, „Збогум Вано, Ванке…“, „Пешаци по црни полиња“, „Белиот чад“, како и „Вежби за Ибн Пајко“ во исто издание со „Песот со тажен поглед“ и „Лева комора“ во исто издание со „Кадифената покривка“.

Јавна промоција на делата ќе се одржи дополнително.