Цела недела ќе врне дожд

Управата за хидрометеоролошки работи и за утре најавува облачно време со пообилни врнежи од дожд. Наместа се очекува да наврнат и над 20 литри на метар квадратен.

Променливото облачно и нестабилно време со повремени врнежи од дожд се очекува да се задржи и во следните денови. Локално процесите ќе бидат поинтензивни, проследени со пороен дожд, грмежи и засилен ветер.

Минималната температура во текот на неделата ќе се движи од 2 до 10 степени, а максималната од 11 до 24 степени. Најтопло ќе биде во четврток кога дневната температура ќе го достигне 24-тиот степен.