Бугарско комбе разнесе контролни куќарки на хрватско-унгарската граница, повредени полицајци

Возач на комбе со бугарски таблички утрово околу 1 часот удрил во куќите на граничната контрола на преминот Горичан II – Летење. Неколку лица беа повредени, меѓу кои и хрватски и унгарски полицајци.

Речиси ништо не остана од куќите на граничниот премин Горичан II – Летење откако утринава околу 1 часот по полноќ насилно ги удри возачот на комбе со бугарски регистарски таблички, пишува Дневник.хр.

Во незгодата беа повредени неколку лица, меѓу кои двајца хрватски и еден унгарски полицаец, како и еден автомобил на унгарската гранична контрола. Полицијата во Меѓумурје го пријавила настанот како сообраќајна несреќа, но повеќе околности не се познати.

Полицијата во Меѓумурје објави фотографии од местото на настанот кои сведочат за силниот удар на бугарското комбе, по што од куќите не останало речиси ништо.

Станува збор за граничен премин кој се наоѓа на унгарска територија, каде што граничната контрола во куќите заеднички ја вршат унгарски и хрватски полицајци. Сѐ уште не е позната тежината на повредите на останатите жртви од несреќата.

Истрагата ја води унгарската полиција.