Бугарија ќе ги затвори трговски центри и училиштата до 21 декември

Од прес-конференцијата на бугарската влада

Ноќните клубови, рестораните, кафулињата, баровите, салите за игри на среќа и казина, како и фитнес клубовите, исто така ќе бидат затворени во петок, рече министерот за здравство Костадин Ангелов

 

Јовка Димитрова                                                                                                      (Од нашиот дописник)

СОФИЈА – Големите трговски центри, спортски сали и ресторани ќе затворат на три недели од 27 ноември. Владата донесе одлука за тоа во средата, откако националниот оперативен штаб за справување со епидемијата на корона вирусот во понеделникот предложи нови ограничувања.

Ноќните клубови, рестораните, кафулињата, баровите, салите за игри на среќа и казина, како и фитнес клубовите, исто така ќе бидат затворени во петок, рече министерот за здравство Костадин Ангелов.

Само театрите и продавниците остануваат отворени, одлучи владата. Ангелов објасни дека само до 30 отсто од гледачите ќе бидат дозволени во театрите и тие ќе носат маски. Не беше дадено објаснување зошто продавниците остануваат отворени. Во понеделникот, експертите предложија затворање на сите продавници за храна, освен аптеките, банките и курирските услуги. Сепак, владата не ја донесе оваа мерка, така што само големите трговски центри ќе бидат затворени.

Забранети се конгреси, спортските натпревари може да се одржуваат без публика, а на приватни прсолави може да има најмногу 15 гости.

Сите училишта и универзитети ќе бидат затворени три недели и образованието ќе продолжи преку интернет. Градинките и јаслите, како и курсевите за странски јазик и музика, исто така се затвораат. Верските храмови остануваат отворени. Јавниот превоз ќе продолжи да работи нормално, така што луѓето кои не се од затворените сектори можат да одат на работа.

Групните екскурзии во Бугарија и во странство се забранети, одлучи владата.

Новите мерки во образованието наскоро ќе предизвикаат нов хаос на училиште, бидејќи од среда повеќето ученици ќе се вратат во училниците, но по денешната одлука, тоа ќе биде само три дена.

По објавувањето на новите мерки, неколку стотици луѓе се собраа пред зградата на владата во Софија во знак на протест против ограничувањата. Тие фрлаа кон зградата со јаболка и јајца и побараа економски надомест за деловните субјекти и луѓето кои страдаат од затворање на економските активности.

Од средината на октомври, ширењето на коронавирусните инфекции во Бугарија е интензивирано, при што земјата регистрира највисоки дневни стапки на смртност во Европа на крајот на минатата недела. Според меѓународно признаениот критериум за известување за период од 14 дена, Бугарија го задржува третото место по смртност во Европа по Белгија и Чешка со 18,1 смртност на 100.000 жители. Вкупниот број на смртни случаи од оваа болест во Бугарија од март е 3230 лица.

Бројот на активни случаи на инфекција надмина 86.000, а бројот на пациенти третирани во болници се приближува до 6.400. Тоа е зголемување за 10.500 нови случаи и повеќе од 700 нови хоспитализации во последната недела.

Министерот за здравство увери дека има кревети за нови пациенти, но дека медицинскиот персонал е во недостиг и повеќе од 2.000 лекари се меѓу заразените.

Властите се надеваат дека ќе го забават ширењето на епидемијата во следните две недели и ќе ги намалат смртните случаи до крајот на третата мерка.