Бугарија доби нов министер за надворешни работи, Иван Кондов

Николај Милков не е веќе технички министер за надворешни работи на Бугарија, бидејќи заминува за амбасадор во НАТО. Тој е разрешен од должноста со указ на претседателот Румен Радев објавен во „Државниот весник“.

Со истиот указ, за нов технички шеф на дипломатијата е именуван Иван Кондов, кој доаѓа од местото постојан секретар во МНР.

Радев и техничката влада именуваа повеќемина нови амбасадори на Бугарија, меѓу кои и Милков.

Иван Кондов е долги години во бугарското министерство за надворешни работи. Беше и амбасадор во Шпанија.