Брод заглави во Суецкиот канал, се извлекува


Голем брод се насука во Суецкиот канал, а во тек се обиди за негово извлекување со реморкери, соопшти рано утрово бродскиот агент Leth Agencies и изрази загриженост за нарушувањето на глобалната трговија во еден од најпрометните канали во светот.

Се работи за носач на рефус Ксин Хаи Тонг 23, долг 190 метри. Властите на каналот веднаш не го коментираа инцидентот. Зад него сега се формирала колона од четири други бродови, пишува Ројтерс.

Бродот тргна од пристаништето Дуба во Саудиска Арабија. Xiang B12 е во сопственост на HK International Ship Lease и управуван од Tosco Keymax International Ship Management.

Ова е нивни прв ваков случај. За време на силните ветрови во 2021 година, големиот контејнерски брод „Евер Гивен“ исто така се заглави во Суецкиот канал, што го запре сообраќајот во двете насоки шест дена и ја наруши глобалната трговија.

Минатата година, реморкерите извлекоа танкер со нафта што накратко беше заглавен во каналот по технички дефект на кормилото, додека дефект на контејнерскиот брод во каналот предизвика мали доцнења во март.