Британскиот нафтен гигант БП влегува во секторот на ветерна енергија

Британскиот енергетски гигант БП денеска влезе во секторот на ветерна енергија во Велика Британија со германскиот партнер ЕнБВ (EnBW) откако властите дадоа права за изградба на ветерни електрани за да помогнат во намалувањето на емисиите на јаглерод.

Нафтениот гигант и германската енергетска компанија Енерџи Баден-Виртемберг АГ (EnBW) се избрани за два 60-годишни договори за закуп во Северното Море. „Ова означува влез на БП во оф-шор секторот за ветерна енергија на Велика Британија, кој во моментов е најголем во светот, и понатамошен напредок на БП, кој забрзано гради бизнис од светска класа со ветерна енергија“, се вели во соопштението.

„Откако ќе биде во функција, овој производствен капацитет ќе биде доволен за напојување на повеќе од 3,4 милиони домаќинства во Велика Британија со чиста електрична енергија“.

Самата БП се движи кон „нето нула“ емисии на јаглерод до 2050 година како дел од пошироките планови за компензирање на намаленото производство на нафта и гас со поголемо производство од одржливи извори на енергија како што се електрична енергија и ветер.

Денешната најава е потврдена од Краун Естеит (Crown Estate) , кој управува со имотот на кралицата Елизабета Втора.