Британски научници развиле гориво за долгорочен живот во вселената?

Британски научници тврдат дека развиле извор на енергија кој би можел да им овозможи на астронаутите да живеат на Месечината долго време. Универзитетот Бангор дизајнираше нуклеарни ќелии, со големина на семе од афион, кои можат да ја произведат потребната енергија за одржување на животот.

Експертот за нуклеарни материјали и горива Сајмон Мидлбург од Универзитетот Бангор вели дека работата на овој проект била голем предизвик, но истовремено и забавна. Тој додаде дека целосно ќе го тестира нуклеарното гориво во следните неколку месеци.

Отскочна даска за други планети
Месечината содржи многу од вредните ресурси потребни за модерната технологија, а многумина ја гледаат како потенцијална база од која може да се лансира на други планети во иднина. Во некои негови делови температурите паѓаат до неверојатни минус 248 степени Целзиусови бидејќи нема атмосфера за зачувување на топлината.

Универзитетот Бангор е главен играч во потрагата по модел за производство на енергија и топлина за одржување на животот на Месечината или на друга планета во Сончевиот систем. Научниците штотуку испратија мали нуклеарни горивни ќелии, позната како Trisofuel, на своите партнери за тестирање.

Може да се користи за напојување на микронуклеарен генератор, кој го изгради партнерот на универзитетот, Ролс-Ројс.

„Генераторот е пренослив уред, со големина на мал автомобил. Може да се стави на ракета и да се лансира во вселената“, рекол Мидлбург, а пренесува Би-би-си.

Универзитетот наведува дека овие микрогенератори би можеле да се користат и на Земјата, на пример во зони на катастрофа кога има прекин на струја.

Бази на Месечината во 2030-тите
Геополитичарот и новинар Тим Маршал рече дека напредокот во развојот на горивото е чекор кон глобална трка до лунарниот јужен пол.

„Убеден сум дека во 2030-тите ќе има база на Месечината. Веројатно една кинеска и една американска. Се верува дека има титаниум, литиум, силициум, железо и многу други минерали кои се користат во многу нови технологии”, рече Маршал.

„Не се знае точно колку вредат, но повеќето компании се убедени дека тоа е економски исплатлива сума“, додаде тој.