Брисел ја предупредил Бугарија дека може да го запре влегувањето во еврозоната

Брисел неофицијално ја предупредил министерката за финансии на Бугарија, Теменушка Петкова, дека може да ја запре постапката за премин кон еврото, објави Нова ТВ.
Предупредувањето доаѓа откако претседателот Румен Радев повика на референдум за  пристапувањето на Бугарија  кон единствената европска валута.

Претходно ГЕРБ-СДФ предложи барањето за референдум воопшто да не стигне до гласање, ниту во комисиите ниту во пленарната сала на парламентот. Тие го повикаа претседателот на Народното собрание директно да го врати барањето на шефот на државата како недозволено. Причина – ако биде одбиено на суд и претседателот последователно ја предаде одлуката на Уставниот суд, тоа ќе доведе до сериозно одложување на постапката.

Според неофицијални информации, Брисел ја предупредил министерката за финансии Теменушка Петкова дека доколку се случи такво одложување, ќе ја запре постапката за  премин кон единствената валута.