Бригадата одговорна за масакрите во Буча сега трпи загуби во Донбас

Руската бригада обвинета за извршување грозоморни воени злосторства против беспомошни цивили во Буча, наводно, била нападната од украински беспилотни летала и претрпела „тешки загуби“ во Донбас.

Војниците на 64. Моторизирана топовска бригада на 35. Серуска армија, кои украинските власти ги именуваа како одговорни за мачење, силување и егзекуција на цивили во предградието на Киев, се повлекоа минатиот месец во Белорусија, а потоа во Русија.

Владимир Путин ѝ додели почесна титула на бригадата која сега е позната како „Касапите од Буча“, со претседателски декрет во чест на нивниот „масовно херојство“ во одбраната на „државните интереси“, додека офицерот што ја водеше е унапреден.

И покрај почестите, единицата потоа беше прераспоредена на фронтот во Донбас – еден од најопасните фронтови во конфликтот – каде што се водат смртоносни битки додека силите на Москва се обидуваат да ги опколат украинските војници кои докажуваат решителна линија на одбрана против туркањето на Русија од истокот.

Аналитичарите велат дека Путин намерно ги испратил во првите редови со цел да ги снема за никогаш да не бидат принудени да сведочат за нивните наводни воени злосторства.

Украина ги објави имињата на офицерите одговорни за масакрот во Буча. Во извештајот на разузнавањето на почетокот на април се вели: „Друга цел на брзото враќање на 64. бригада на украинска територија е брзото отстранување на непотребните сведоци.

Односно прераспоредување на дел од воениот фронт каде што нема да имаат шанси да преживеат, со што ќе им биде оневозможено да сведочат во идните судови“.

Главната управа за разузнавање на Министерството за одбрана на Украина на почетокот на месецот соопшти дека руските команданти одбиваат да ги ротираат своите бригади, а 64. била во Белгород во Западна Русија, подготвена за прераспоредување.

Путин потоа ги испрати на фронтот меѓу Харков и Изјум каде што беа стационирани добро подготвени украински борци барајќи да се одмаздат на сега озлогласената бригада.

Сликите сега наводно покажуваат уништени борбени тенкови „Т-80“, камиони „Камаз“ и оклопни транспортери „БТР-80“ со трупови кои лежат покрај возилата по нападите со беспилотни летала во Донбас.

Повеќето војници во единицата протестираа против нивното прераспоредување толку брзо по нивната кампања во Киев, според украинскиот сајт за вести „Хромадске“.

Тие беа поставени да се борат против 93. украинска бригада што го штити Харков, кои имаат страшна репутација, слична на неонацистичкиот полк „Азов“ во Мариупол.

Украина верува дека поразот на 64. бригада ќе биде уште една огромна симболична победа по успешните напади во Русија и потонувањето на крстосувачот „Москва“.

Русија соопшти дека сликите и снимките од стотици мртви тела расфрлани низ Буча биле лажни.

Командантот Азатбек Омурбеков, идентификуван како висок командант на Путин во Буча кога беше извршено варварството, потоа беше унапреден од потполковник во полковник. Неговото унапредување беше потврдено во извештајот на весникот „Црвена звезда“.

Причината за ова унапредување во полковник не беше јасна, но во извештајот беше поздравен неговиот успех во Украина.

Украинските власти соопштија дека телата на повеќе од 1.000 цивили се откриени во областите околу Киев и дека работат со француските истражители на документирање на наводните воени злосторства.

Форензичките тестови извршени врз цивилни трупови фрлени во масовни гробници покажуваат дека жените биле силувани пред да бидат брутално убиени, беше откриено во понеделникот.

Извршени се десетици аутопсии на осакатени трупови од Буча, Ирпин и Бородинка, при што многу од нив покажуваат знаци на тортура и повеќе дупки од куршуми на грбот. Некои од нив се толку многу обезличени, па дури и обезглавени што инспекторите не можеа да ги идентификуваат.

Владислав Пировски, украински судски лекар кој ги изврши обдукцијата, изјави за „Гардијан“: „Веќе имаме неколку случаи кои укажуваат на тоа дека овие жени биле силувани пред да бидат застрелани до смрт. Не можеме да дадеме повеќе детали бидејќи моите колеги сè уште ги собираат податоците и имаме уште стотици тела за испитување“.

Неговиот тим анализираше 15 тела дневно, од кои повеќето беа убиени со автоматска пушка.

Тој додаде: „Има многу изгорени тела и тешко изобличени тела кои едноставно е невозможно да се идентификуваат“.

Доказите се предадени на високиот обвинител во регионот, Олех Ткаленко, за понатамошни истраги.

Еден судски лекар северно од Киев рече дека е тешко да се најдат знаци на силување и сексуална злоупотреба бидејќи телата „се во толку лоша состојба“.

Мисијата на Обединетите нации во Буча го документира „незаконското убивање, вклучително и со погубување по скратена постапка, на околу 50 тамошни цивили“, соопшти Канцеларијата на Високиот комесаријат за човекови права на ОН.

Во истиот град, 25 жени на возраст од 14 до 25 години биле чувани во подрум и систематски силувани, при што девет од жените останале бремени во случајот што сега го регистрира комесарката за човекови права Људмила Денисова. (Дејли мејл)