Босна и Херцеговина со рекордни 93 жртви од Ковид-19 за еден ден

Во Босна и Херцеговина, денеска се тестирани 3.071 примероци, од кои 856 биле позитивни, но починаа 93 пациенти со Ковид-19 што е најмногу за еден ден од почетокот на пандемијата.

Само во федерацијата тестирани се 2.071 граѓани, а 653 биле позитивни на вирусот, додека починале 64 пациенти.

До денеска вкупно починаа 3.609 пациенти во Федерацијата.

Во Република Српска тестирани се 685, а позитивни биле 192 лица. Пријавени се 22 починати или вкупно 2.611.

Во Брчко тестирани се 15, а 11 биле позитивни, додека за еден ден починаа седум пациенти.