Борисов сниман тајно во спална соба

Бугарскиот премиер Бојко Борисов ги обвини своите политички противници дека го напаѓаат со компромитирачки материјали со цел да го спречат да спроведе два важни геостратешки проекта во јули: влез на земјата во банкарската унија и во еврозоната.

Тој реагираше откако во бугарските медиуми се појавија фотографии од неговата спална соба, на кои се гледа како спие гол, а над главата има пиштол. На денешната прес-конференција, Борисов го обвини претседателот Румен Радев за шпионажа.„Претседателот Радев си дозволи да крене дрон и да ме снима. Неверојатно! Кога ќе му кажам на моето обезбедување дека ќе го урнам дронот, тој го прибира. Го праќа на мојата тераса, неколку пати го прати и до влезот“, изјави Борисов.

„Целта е да ме уништат психички, а потоа и да ме нападнат физички. Загрижен сум, затоа што кога спијам, беспомошен сум. Од ова ќе извлечам многу поуки, дури и како да спијам. Можеле и гол да ме снимат“, кажа Борисов.