Борисов има нова формула – влада на ГЕРБ составена од експерти

Поранешниот премиер Бојко Борисов понуди нова формула како Бугарија да излезела од политичката криза. Неговата партија ГЕРБ да предложи влада која ќе биде составен од експерти кои можат да ја стабилизираат Бугарија. Бојко Борисов го објави тоа на својот Фејсбук профил.

Тој за тоа ја ја известил претседателката на Европската комисија, Урсула фон дер Лајен, во Атина, каде што се одржуваше состанок на Европската народна партија.

„ГЕРБ ќе го продолжи дијалогот со сите парламентарни партии, бидејќи на Бугарија ѝ е потребен кабинет кој ќе ја забрза работата на усвојувањето на сите закони според Планот за закрепнување и одржливост“, рече Борисов.

Претседателот Румен Радев во понеделник во 10 часот ќе го врачи првиот истражувачки мандат за формирање влада на најголемата пратеничка група во собранието – ГЕРБ.

Вториот човек на партијата, Томислав Дончев, пред еден ден не исклучи малцинска влада и најави дека кандидатот за премиер ќе стане јасен в понеделник, а целосниот состав на предлог-кабинетот за десет дена.

На состанокот на ЕПП во саботата, Борисов изјави и дека благодарение на парламентарното мнозинство, предводено од ГЕРБ, Бугарија веќе го започнала процесот за испраќање воена помош за Украина.

Во својата објава на Фејсбук Борисов ѝ дава големи заслуги на ГЕРБ што биле отворени европските перспективи на Македонија, само Скопје да си ги исполни своите обврски.

„Бугарија ги поддржа перспективите за членство на Република Северна Македонија во ЕУ, но време е нашиот сосед да ги исполни своите обврски од овој процес со обезбедување уставни гаранции за правата на сите нејзини граѓани“, напиша Борисов.