Борис Џонсон на интензивна нега, Доминик Раб го презеде раководењето со британската влада

Борис Џонсон е пренесен на интензивна нега откако се влошија неговите симптоми на корона вирус, само неколку часа откако Даунинг стрит инсистираше на тоа дека е во добар дух и ги контролира реакциите на владата на ескалациската криза.

Премиерот се смета дека сè уште е свесен и бил преместен како претпазливост, во случај да е потребен респиратор за да му помогне во закрепнувањето.

За него беше речено дека има одлична грижа и им се заблагодари на сите здравствени работници за нивната „напорна работа и посветеност“.

Доминик Раб, секретар за надворешни работи, беше замолен да го заменува премиерот „таму каде што е потребно“.

Од Даунинг стрит 10 велат дека премиерот и натаму останува премиер, но дека Раб ќе го води секојдневниот одговор за справување со пандемијата и други работи.

Одлуката Џонсон да се префрли на интензивна нега ја донеле неговите лекари.

Се разбра дека тој бил пренесен во одделот за интензивна нега во болницата „Свети Томас“ во Лондон, околу 19 часот по локално време во понеделникот вечерта.

Тој првично беше примен во болница во неделата за тестови, откако не беше добар повеќе од една недела.

Од владата велат дека Џонсон бил советуван да оди во болница, бидејќи неговите симптоми, кои вклучуваат кашлица и температура, биле постојани.

Во понеделникот вечерта, портпарол на владата изјави: „Во текот на ова попладне, состојбата на премиерот се влоши и по совет на неговиот медицински тим тој е пренесен во Одделот за интензивна нега во болницата.

Премиерот побара од секретарот за надворешни работи, Доминик Раб, кој е прв државен секретар, да го заменува таму каде што е потребно.

Претходно Раб претседаваше на состанокот на владата за итни случаи. Секретарот за надворешни работи подоцна призна дека не разговарал со премиерот со денови, во услови на зголемен притисок врз Џонсон привремено да ја предаде власта ако не закрепне брзо.

Членовите на неговата сопствена влада претходно го повикаа премиерот да се одмори, додека поранешните секретари на кабинетот предупредуваа дека Џонсон треба да се откаже од контролата доколку е потребно.

Министрите исто така одбија да утврдат стратегија за излез за тековните ограничувања дизајнирани да го запрат ширењето на болеста. Постојат стравувања дека доброто време би можело да охрабри повеќе Британци да ги шрекршат насоките. (Индипендент)