Борбата против корупцијата главна задача на новиот амбасадор на САД во Босна

Говорејќи на прес-конференција со германската канцеларка Ангела Меркел, американскиот претседател Џо Бајден рече дека Мајкл Марфи ќе ја преземе функцијата нов амбасадор во Босна и Херцеговина со примарен фокус на борбата против корупцијата.

„И ние сме обединети – обединети во нашата заложба за решавање на демократското заостанување, корупцијата, лажниот популизам во Европската унија или меѓу кандидатите за членство во ЕУ или каде и да го најдеме во светот“, рече американскиот претседател.

Мајкл Марфи моментално служи како заменик-помошник државен секретар во Бирото за европски и евроазиски работи. Во минатото, тој служеше како заменик-шеф на мисијата во Амбасадата на САД во Приштина и три години како политички советник во Амбасадата на САД во Сараево. Според Белата куќа, Марфи ги зборува на локалните јазици во овој регион.

Назначувањето на новиот американски амбасадор во Босна и Херцеговина е прашање што се однесува на САД, но дипломатот треба да знае дека тој мора да го почитува Дејтонскиот мировен договор, рече српскиот член на босанското трипартитно претседателство Милорад Додик.

„Го познаваме од порано, од некои претходни периоди, но ова не е 2005 или 2008 година, туку 2021 година, кога писмото на Дејтон мора апсолутно да се почитува и тоа е нашата политика“, рече Додик.