Болтон доби рок од 14 дена да избегне банкрот

Болтон сепак има шанса да го задржи членството во фудбалската лига во Англија, пренесува „Скај спортс“. ФА одлучи да не го исклучува клубот веднаш, туку да му даде дополнителни 14 дена за да се справи со финансиските проблеми.

Овој рок од две недели треба да е доволен за управата или да го продаде клубот на друг сопственик или да докажат дека тој има средства за егзистенција.

Претходно беше објавено дека се водат преговори за продажба на клубот, но договорот никогаш не беше завршен.

Ако Болтон не успее да обезбеди финансиски гаранции во предвидениот рок, ќе биде исклучен од третата лига.

Поради големите долгови пред почетокот на сезоната, Болтон стартуваше со минус 12 бода. По четири кола, екипата го зазема претпоследното место со резултат од -11 поени (1 реми, 3 порази).

Клубот доживеа сериозни финансиски проблеми во последните неколку сезони. Во текот на летото пропадна договор за продажба на бизнисменот Лоренс Басини, а клубот се најде под надворешна управа.

Болтон е основан пред 145 години (во 1874 година). Тој го освои ФА купот четири пати и Супер купот еднаш. Неговиот најдобар резултат во елитната дивизија е на третото место (три пати). Пред седум години, во сезоната 2011/12, клубот играше во Премиер лигата.